Qeveria gjermane ka dhuruar këtë të martë 200 mijë euro automjete dhe pajisje të sofistikuara për Policinë e Shtetit shqiptar. Drejtori i Përgjithshëm i Policisë së Shtetit Ardi Veliu dhe Ambasadorja e Gjermanisë në Tiranë, Suzan Schutz nënshkruan protokollin e dhurimit të tyre, në prani të ministrit të Brendshëm Sandër Lleshaj.
Gjatë takimit të zhvilluar në ambientet e Task Forcës Speciale Qendrore u theksua edhe njëherë bashkëpunimi mjaft i mirë që ekziston mes dy vendeve në fushën e shkëmbimeve policore.
Këto mjete do të përdoren kryesisht nga Policia Kriminale dhe Task Forca Speciale, e cila është ngritur për të luftuar grupet kriminale në Shqipëri ose jashtë vendit.
“Kam kënaqësinë që pata mundësinë të pres Ambasadoren e Republikës Federale të Gjermanisë, me të cilën takohem në harkun e pak javëve, për herë të dytë në mjediset e Policisë së Shtetit. Sot jemi tek Task Forca Speciale ku sapo nënshkruam një protokoll për marrjen e një ndihme të konsiderueshme, e cila i adresohet Task Forcës “Forca e Ligjit”, pra i adresohet luftës kundër krimit të organizuar. Ndërkohë që para pak javësh, ne patëm mundësinë që të mirëpresim një paketë tjetër të rëndësishme ndihme që i adresohej kufirit.
Me këtë rast falënderoj Ambasadoren, falënderoj Policinë gjermane, Qeverinë gjermane për mbështetjen e vazhdueshme, një mbështetje, e cila i adresohet forcimit të parametrave të luftës kundër krimit të organizuar, i cili është parakusht i rëndësishëm për të përshpejtuar ecjen e Shqipërisë drejt hapjes së negociatave me BE.”- u shpreh ministri Lleshaj.
Nga ana tjetër, ambasadorja e Gjermanisë Suzan Schutz u shpreh se kjo dhuratë tregon në mënyrë simbolike bashkëpunimin më të mirë mes dy shteteve.
“Më lejoni dhe mua të shpreh kënaqësinë time, për të theksuar atë çka sapo tha z. Ministër. Sot patëm mundësinë për të dhënë një ndihmë në pajisje, me vlerë të përgjithshme prej 200 mijë eurosh, e cila tregon edhe njëherë në mënyrë simbolike, bashkëpunimin mjaft të mirë që ekziston mes dy vendeve tona, e që në të ardhmen do të konsolidohet edhe më tej.”-u shpreh Schutz.
b.b/dita
Wenn’s was bringt !Vergelt’s Gott
Qeveria Gjermane per dhenien e 200 mije euro falas n mjete dhe pajisje te sofistikuara ne ndihme te forcimit te Policise se Shtetit a kane marre LEJE nga kriminelet Sali – Lulush?
Ne te kunder kjo ndihme rrezikon jeten e banditeve dhe krimineleve te cilet SHQUP-i i perdor ne protesta per destabilizim te vendit dhe zjarr-venie te institucioneve.
Ai Tonin Vocaj perse ne balle te vendit ? Per sherbimet qe i ka bare Berishes apo meqe ministri eshte katolik?
U mbytenshtetet e evropesto nfihmuar policine e shtetit, heren e fundit xhafaj shko per Llesh … po perkunder nfihmes krimi po lulezon edheduhet qe vete keto policija te huaja te dekondpitojne politikanrt tone per trafikun e kokaines ne malte….