Gjermania është e revoltuar. Vetëm pak orë pas publikimit të një interviste të ambasadorit të SHBA në Gjermani, Richard Grenell, janë shtuar zërat që ai të dëbohet nga vendi. Shkaku: në një bisedë me portalin e djathtë të internetit Breitbart njeriu i Trumpit pati deklaruar se ai synon të forcojë forcat konservatore në Evropë, të cilat janë kundër establishmentit.
Pasazhet e intervistës, në të cilat ai flet për shumicën e heshtur, për mirëqënien e njerëzve që punojnë normalisht, kritikat për politikën aktuale ndaj refugjatëve dhe në tërësi për qëndrimin mendjemadh të elitave politike, ai mund t’i përsëriste edhe në një aktivitet të partisë konservatore të djathtë AFD – duartrokitjet do t’i kishte të sigurta. Kjo në një kohë kur nuk është hera e parë, që Grenelli përzihet në mënyrë kaq të drejtpërdrejtë në fatet e Gjermanisë. Pa ardhur mirë në post, ai u kërkoi firmave gjermane që të tërhiqen nga bizneset me Iranin. Sfondi për këtë kërkesë është grindja transatlantike për marrëveshjen atomike me Iranin.
E padëgjuar deri tani
Me të vërtetë, deri më sot nuk qe dëgjuar që një ambasador të përfshihet në mënyrë kaq të drejtpërdrejtë në politikën e vendit, në të cilin e kanë dërguar. Deri tani detyra ka qenë më tepër shpjegimi i vendit nga vjen, ndërtimi i urave, paqëtimi i konflikteve. Por ai që nxehet tani dhe habitet që Grenelli e përkufizon krejt ndryshe detyrën e tij, ende nuk e ka kuptuar si duhet që me këtë President në Shtëpinë e Bardhë gjithçka është tjetër. Edhe biznesi i deritashëm diplomatik.
Kryeredaktorja e DW, Ines Pohl
Trumpi është biznesmen, që vjen nga biznesi i spektaklit, ku i ka arritur atje sukseset më të mëdha të tij. Kuptimi i tij për politikën nuk është “arti i së mundurës”, siç e ka përcaktuar atë dikur kancelari i parë i Rajhut, Otto von Bismarck. Si të gjithë populistët, Trumpi dhe njerëzit e tij janë të interesuar që të arrijnë efektin më të madh. Kur Grenelli flet në Gjermani për migrim zinxhir dhe kur lëvdon njëkohësisht politikanin e pakompromis austriak Sebastian Kurz, e di mirë se çfarë po bën. Ai synon të inkurajojë ato forca në Evropë, të cilat e sfidojnë si Trumpi rendin ekzistues. Ai ua drejton këtë intervistë kryetarëve nacionalistë të djathtë të shteteve si për shembull në Hungari dhe në Poloni. Pra ua drejton atyre, që shprehin dyshim për Evropën në formën e saj të tanishme.
Synohet të dobësohet kohezioni i BE
Me shkathtësi Grenelli shfrytëzon – si shefi i tij në vendin e tij – për këtë jo vetëm frikërat e njerëzve, për të pasur sukses. Ai shfrytëzon edhe dobësitë e sistemit, për të provokuar një rend të ri në kontinentin e vjetër. Një rend, i cili ta dobësojë kohezionin e BE dhe që të jetë në këtë mënyrë në radhë të parë në dobi të Amerikës.
Tonet e larta, shqetësimet dhe kërkesat për dorëheqje nuk mjaftojnë për t’iu kundërvënë kësaj strategjie të dobësimit të BE. Në këtë garë për tonet më të larta, do të fitojë gjithmonë Trumpi. Gjermanisë dhe partnerëve të saj evropianë nuk i mbetet gjë tjetër veçse të pranojë që Donald Trumpit nuk mund t’i besosh më. Që përkundrazi, ai jo vetëm e kërcënon Evropën me luftë tregtare, por madje dërgon edhe njërin nga diplomatët e tij kryesorë për të përshpejtuar përçarjen e Bashkimit Evropian.
Ndaj kësaj forme të re të raportit transatlantik mund të ketë vetëm një përgjigje: një marrëveshje e qartë për të ardhmen e Evropës, në të cilën ta gjejnë vendin e tyre jo vetëm vendet e mëdha, por edhe të voglat. Sado e hidhur që të jetë: për momentin, ish-aleatja SHBA është kthyer në një rrezik, që nxit përçarjen. Pas kësaj interviste për këtë nuk ka më dyshim./DW
l.h/ dita
Nuk pritej gje tjeter me ardhjen e Trump.
Politikat nacionaliste te Trump dhe pa veprime konkrete si ne rastin e ambasadorit amerikan ne Gjermani do i jepnin zemer populisteve dhe partive te tyre ne Evrope.
Trump erdhi ne pushtet me ndihmen e Rusise dhe rusia nuk e dha kete ndihme pa karkuluar me pare interesat e vet.
Dukej qarte qe Evropa do ishte e shqetesuar nga politikat nacionaliste te Trump te cilat u shprehen qarte qysh ne fushaten e tij zgjedhore. Pikerisht kjo i duhet dhe Rusise, nje dobesim i BE. Rusia e ka me te lehte dominimin e saj ne shtetet evropiane te percare sesa te perballej me nje Evrope te bashkuar ne bllok e cila perben per te nje mur te pakalueshem per influence politike dhe ekonomike.
Po ne si shqiptare ku qendrojme ne kete histori dominimesh dhe influencash?
Ne padyshim integrimin evropian e kemi jetik per mireqenien tone si popull. Integrimi do te bente te mundur formatimin demokratik dhe shtetin e se drejtes ashtu sic e deshirojne shqiptaret me ndihmat dhe monitorimin e BE dhe Gjermanise ne vençanti.
Shteti shqiptar nuk do ishte i afte te perballej ne politika nacionale me fqinjte tane shume here me te forte dhe te mbeshtetur nderkombetarisht se ne.
Megjithe mbeshtetjen e SHBA , ne te shkuaren, popullit shqiptar sot dhe ne te ardhmen nuk i mjafton vetem garancia per itegritet teritorial dhe egzistenca si shtet, populli ka nevoje per progres dhe mireqenie ekonomike e cila ne nje perjudhe afatmesem dhe afatgjate garantohet vetem me integrimin ne BE. Jo vetem nga pikpamja ekonomike dhe mirqenies por edhe nga pikpamja kulturore per te garantuar ne te ardhmen kohezionin dhe solidaritetin si popull e mbi te gjitha bashkimin.
Per ne si shqiptare itegrimi ne BE eshte jetik.
Prandaj kush u gezua shume me zgjedhjen e Trump president, per arsye te vogla lufte politike te dites dhe inatesh alla shqiptarce mendoj se ka gabuar.
Me Trump Evropa sot, Ballkani dhe ne si shqiptare nuk jemi me te sigurte.