Janë 90 mijë punonjës të administratës publike që ende nuk i kanë marrë rrogat e dhjetorit dhe kjo sipas Partisë Socialiste konfirmon krizën e thellë ekonomike në të cilën është zhytur vendi. Deputetja socialiste Eglantina Gjermenji kërkoi nga Ministri i Financave dhe Kryeministri që të zgjidhin menjëherë situatën.
Lidhur me ketë çështje, kryeministri Sali Berisha tha gjatë mbleshjes së qeverisë se nuk ka pasur mungesë fondesh për shpërndarjen e rrogave dhe pensioneve në disa qytete të vendit. Ai sqaroi se këto vonesa kanë ardhur vetëm për shkak të mosparaqitjes në kohë të listë prezencave nga disa institucione dhe se tashmë pagat kanë nisur të shpërndahen normalisht.