Një sasi e madhe lënde narkotike është gjetur paraditen e sotme në autobusin e linjës Tiranë-Athinë. Gjatë kontrolleve të ushtruara autobusin e një kompanie private në pikën e kalimit kufitar në Kakavijë janë gjetur rreth 50 kilogramë drogë e llojit marijuanë.
Policia ka vënë në pranga dy drejtuesit e mjetit, Arben Çotaj dhe Gentian Seferi, njëri nga Lushnja dhe tjetri nga Burreli. Ndërkohë, vijojnë verifikimet në lidhje me përfshirjen e të tjerë personave.