I ftohti ka shënuar viktimën e parë për këtë dimër. Një e moshuar është djegur brenda në shtëpinë e saj gjatë natës së kaluar, në Gjirokastër. Ngjarja ka ndodhur në fshatin Polican të komunës Pogon.
Mësohet se e moshuara Vergulla Konomi kishte lënë oxhakun ndezur, çka ka shkaktuar flakët e zjarrit. Zjarri është përhapur menjëherë për shkak të lëndës drusore me të cilën ishte ndërtuar shtëpia.
Shtëpia dykatëshe është shkrumbuar plotësisht. Policia dhe banorët e zonës po përpiqen të gjejnë trupin e viktimës. Mësohet se gruaja e moshuar jetonte e vetme.