135.5 kilogramë marijuanë janë sekuestruar pak pas mesnatës në Gjirokastër. Uniformat blu kanë marrë informacion për një sasi të madhe lënde narkotike, që po transportohej nga Lazarati drejt kufirit me shtetin fqinj, Greqinë.
Operacioni i policisë është finalizuar me sekuestrimin e 123 pakove me hashash, të mbështjella me natriban. Ashtu siç ndodh në shumicën e rasteve, transportuesit kanë arritur të largohen, pasi kanë braktisur automjetin me ngarkesën e hashashit, në aksin Kordhocë-Sofratike.