Një burrë është rrëzuar nga kati i tretë i një hoteli mëngjesin e sotëm në qytetin e Gjirokastrës.
Ngjarja ndodhi rreth orës 09:20, në një hotel në zonën muzeale të këtij qyteti. 60 – vjeçari me iniciale F.M, banues në Berat mësohet se ishte klient në këtë hotel. Ai është transportuar për në spitalin e Gjirokastrës, ku po merr ndihmën e nevojshme mjekësore.
Mbeten të paqarta rrethanat në të cilat është rrëzuar 60 – vjeçari, megjithatë në vendngjarje kanë shkuar shërbimet e policisë, që po punojnë për zbardhjen e plotë të saj.