Ka “zbarkuar” në gjelltoren ku hante në rini, por bashkë me fotografin. Edhe pse Hashim Thaçi zakonisht drekon në restorantet më të shtrenjta të qytetit, këtë herë, presidenti i zgjedhur i Kosovës zgjodhi të hajë drekë në një vend ku ia arrin xhepi secilit qytetar. Presidenti ka vendosur ta hajë vaktin kryesor të ditës në gjellëtoren “Tip Top”. E me vete kishte edhe fotografin për tija realizuar fotot gjatë ngrënies, raporton Express. Në një formë ‘PR’ që tashmë është stërpërdorur, Thaçi u ul edhe në tavolinat e atyre që qëlluan në gjellëtore. “Sot, për drekë në gjellëtoren popullore “Tip Top”, aty, ku si shumë studentë të tjerë, jam ushqyer gjatë viteve të 90-a. Edhe sot takova studentë që ushqehen nga menyja tradicionale e bacës Ganë. HTH”, ka shkruar Thaçi.
