Gjuhën e qoftëlargut, jo kushdo e di…

Tani është bërë Sala,

Si Pinok shëtitës,

Kombinat gënjeshtrash,

Kundër opozitës!

 

Shpik e shpif gjithë ditën,

Ditën edhe natën,

Gjuhë e tij e gjatë,

Sfidon dhe lopatën!

 

Sfidon dhe lopatën,

Për të hedhur baltë,

Për kopenë e tij,

Është i ëmbël mjaltë!

 

Gjuhën e qoftëlargut,

Jo kushdo e di,

Ndaj do ndalem pak,

Tek fjala Mavi!

 

Kuptimin e parë,

E di çdo njeri,

Gjënë jo krejt të zezë,

E quajmë mavi!

 

Kuptimin e dytë,

Të fjalës mavi,

E di mirë Saliu,

Se është bektashi!

 

Mavi dhe mavie,

E thonë për të ligën,

Pra nënkuptojnë,

Djallin ose shtrigën!

 

Kuptimi i tretë,

I fjalës MAVI,

Është i vërteti,

Që mendon Ai!

 

Është një organizatë,

Greke-terroriste,

Si e mendon Sala,

Partinë Socialiste!

 

Pandeh ky idiot,

Se ka fantazi,

Kur ne socialistëve,

Na quan Mavi!

 

Kjo që stërthotë Sala,

Dhe qentë rrotull tij,

Na ka bërë masakrën,

M’u në Peshkëpi!

 

Kur të gjithë ushtarët,

Vranë në pabesi,

Dhe kur president,

Qe ky Faqezi!

 

Ky që me ne hiqet,

si ujku në male,

i kaloi gjithë vrasjet,

me një notë verbale!

 

As që diskutohet,

Që Sala ka shkarë,

Kur përmend një emër,

Që ne na ka vrarë!

 

Ndaj na takon ne,

Të të themi Gore,

Ti ke me Mavinë,

Lidhje shpirtërore!

 

Ti dhe vetëm ti,

Asaj i ke ngjarë,

Se ti dhe Mavia,

Njëlloj kini vrarë!

 

Se ti dhe Mavia,

Njëlloj kini vrarë,

E shkroi historia,

Kini vrarë shqiptarë!

 

Ti ha në një pjatë,

Me gjithë terroristët,

S’ka lidhje Mavia,

Me ne socialistët!

 

Ti dhe vetëm ti,

Je anëtar i saj,

Ndaj të na rëshqasësh,

S’e ke fort kollaj!

 

Mati fjalët mirë,

Në çdo anë që breth,

Me qentë e pështirë,

Që të vijnë përreth!

 

Mati fjalët mirë,

O kryemavi,

Që s’vure pak mend,

As në pleqëri!

 

Që nuk vure mend,

As në pleqëri,

S’di për çfarë do japësh,

Më parë llogari!