Të gjithë e dinë lidhjen e një gjumi të mirë me humorin dhe shëndetin në ditën që vjen pas. Por ajo që ndoshta nuk dihet është ndikimi që gjumi i rehatshëm ka në marrëdhënien në çift. Një studim i Universitetit të Berklit sugjeron se tetë orët e gjumit, të rekomanduara gjithnjë nga mjekët, i bëjnë mirë martesës. Ekipi i studiuesve kalifornianë ka studiuar sjelljen e 60 çifteve të moshës 18-56 vjeç, të cilët kanë mbajtur një ditar ku kanë shënuar orët e gjumit të partnerëve. Gjithashtu, janë marrë parasysh dhe sjelljet dhe gjestet e dashurisë që partnerët kanë shkëmbyer gjatë ditës. Në fund, çiftet kanë marrë pjesë në një eksperiment që kishte të bënte me zgjidhjen e disa situatave, në mënyrë kjo për të parë bashkëpunimin në çift. Nga eksperimenti është arritur në përfundimin se ata që kishin pushuar më shumë shkonin më mirë se të tjerët me partnerët.