Gjykata njeh statutin e miratuar nga “11 Dhjetori”, Kaso: Juridikisht PD tashmë drejtohet nga Komisioni i Rithemelimit

Sot Gjykata e Tiranës ka vendosur që të regjistrojë statutin e Kuvendit të Partisë Demokratike të 11 Dhjetorit të mbajtur nga Komisioni i Rithemelimit, duke i hapur kështu rrugën “Grupit të Rithemelimit” që të drejtojë PD-në.

Në këtë mënyrë, njihen të gjitha vendimet e Kuvendit të PD të 11 Dhjetorit, përfshirë logon, vulën dhe flamurin e PD-së.

Por Gjykata e Tiranës ka në shqyrtim edhe statutin e ndryshuar nga Kuvendi i PD-së më 18 dhjetor 2021 që u mblodh nga Lulzim Basha.

Në këto ndryshime të statutit, që nga logo, u votua edhe për shkarkimin e drejtuesve të PD-së, të cilat u miratuan sot nga gjykata. Ishte gjyqtari Agron Zhukri që njohu grupin e Rithemelimit të PD-së.

VENDIMI

1.Pranimin e kerkesës së palës kërkuese Partia Domokratike e Shqiperise, perfaqesuar nga Komisioni i Përkohshëm i Rithemelimit të P.D.SH.

2.Depozitimin e vendimeve të kuvendit Kombetar të PDSH duke rregjistruar ndryshimet përkatese në regjistrin e partive politike:

Vendimin nr 1. dt.11.12.2021, me anekset bashkëlidhur Statutin e Partisë Demokratike, të Kuvendit Kombëtar të Partisë

Vendimin nr 2. dt. 11.12.2021 të Kuvendit Kombëtar të Partisë Demokratike

Vendimin nr 3. dt. 11.12.2021 të Kuvendit Kombëtar të Partisë Demokratike

Vendimin nr 4. dt. 11.12.2021 të Kuvendit Kombëtar të Partisë Demokratike

Vendimin nr 5. dt. 11.12.2021 të Kuvendit Kombëtar të Partisë Demokratike

Vendimin nr 6. dt. 11.12.2021 të Kuvendit Kombëtar të Partisë Demokratike

Vendimin nr 7. dt. 11.12.2021 të Kuvendit Kombëtar të Partisë Demokratike

3.Kundër ketij vendimi mund te behet ankim sipas ligjit.

U shpall sot me datë 25.03.2022 ora 11.10

Përfaqësuesi ligjor dhe anëtari i Komisionit të Rithemelimit të PD, Ivi Kaso, dha një përgjigje për këtë çështje pasi u pyet nga gazetarët.

Pyetje: Çfarë ndodh në qoftë se gjykata vendos për ndryshimet statusore të 18 Dhjetorit?

Ivi Kaso: Në vendimmarrjet e rëndësishme të datës 11 Dhjetor, një nga vendimet në një pikë të rëndësishme të tij ka anulimin e thirrjes së Kuvendit të datës 18 Dhjetor si i thirrur në mënyrë të paligjshme nga një kryesi e cila në momentin që ka bërë këtë thirrje ishte e pakonstituuar. Dhe ky vendim tashmë është regjistruar praktikisht në regjistrin e partive politike dhe anulimi i thirrjes së Kuvendit të datës 11 Dhjetor. Pra ligjërisht nuk ka një Kuvend të thirrur në mënyrë të ligjshme në datën 18 Dhjetor.

j.l./ dita