Thellohen përmasat e skandalit të 220 hektarëve truall në Karaburun. Nga administratori i dosjes rezulton se të dyshuarit, të cilët përmes falsifikimit kanë tjetërsuar pronësinë e këtij trualli, nuk kanë zhvilluar asnjëherë proces gjyqësor.
Dosja e dorëzuar në hipotekë tregon për një proces fiktiv të mbajtur 16 vjet më parë. Procesi fiktiv sipas dokumentacionit rezulton të jetë drejtuar në Gjykatën e Vlorës nga gjyqtari Thoma Nika dhe nën asistencën e dy sekretarëve gjyqësore.
Në vendim thuhet se i është dhënë e drejta shtetasit Raimon Mezi për kthimin në natyrë të sipërfaqes prej 220 hektarësh.
Prokuroria thotë për Top Channel se ka pyetur gjyqtarin Thoma Nika që sipas dokumentacionit ka firmosur këtë vendin. Gjyqtari Nika ka mohuar të ketë zhvilluar ndonjëherë një proces civil të tillë dhe se firma në dosjen gjyqësore nuk është e tij. Të njëjtën gjë kanë deklaruar edhe sekretarët gjyqësorë.
Për këtë dosje, një ditë më parë Prokurori i Përgjithshëm,Adriatik Llalla ishte në Vlorë bashkë me kreun e Krimeve të Rënda, Besim Hajdarmataj për të diskutuar për dërgimin e dosjes “Karaburuni” nën kopetencë të Krimeve të Rënda.
Gjatë ditës, Gjykata e Vlorës vendosi burg pa afat për katër nga të arrestuarit, mes tyre edhe për përfituesin e sipërfaqes së konsiderueshme Rajmond Mezi, për një avokat dhe një punonjëse të hipotekës. Ndërkohë që u la nën arrest shtëpie noterja Belona Seraj pasi sipas ka një fëmijë të vogël./TCH
Mbase gaboj, por desha te di, a kane pronare shkembinjte gelqerore te Karaburunit, dhe bregdeti shkembor i tij?
O perkthys nuk ka vend pa pronar di gje ti se une skam degju. Ka dhe jan me hipotek gje qe te cudit se me hipotek nuk kan as ne tiran. Do thuash cne sepse qytetet ne shqiperi kan qen vetm gjirokastra berati kruja kurse qytete si tirana vlora kan qen me pes shtepi dhe kan qen shqiptar esmer qe ne i quajm jevgj me respekt se jan populli me i urt. Kjo qe doja te thoshja pjesa tjeter kan jetu ne fshatra dhe kjo eshte dhe nje pjes atyre qe jetoin dhe kan shtepi dhe prona … po jo e atyre qe mundohen te vjedhin sic ka ndodh ne rastin ne fjal
kane dhe jane kullotat e fshatit Dukat