Policia e Tiranës goditi dje një grup grabitësish që ishin kthyer në tmerrin e grave kalimtare që u merrnin çantat teksa lëviznin me motoçikletë.
Komisariati nr. 3 identifikoi dhe arrestoi 2 prej të dyshuarve dhe shpalli në kërkim një të tretë, të përfshirë në vjedhjet me dhunë të kalimtarëve, duke u marrë celularët dhe portofolat.
Të ndaluarit janë Tomorr Peposhi, 23 vjeç dhe Elton Hithi, 21 vjeç, banues në Tiranë.
Në kërkim u shpall E. I., 25 vjeç. Sulmi i fundit i tyre u shënua në “Rrugën e Dibrës”, ku teksa lëviznin me një motoçikletë,
Peposhi dhe i kërkuari kanë grabitur çantën e vajzës me inicialet E. I., 23 vjeçe.
Gjatë marrjes në pyetje dhe paraqitjes për njohje u dokumentuan edhe 3 grabitje të tjera ndaj vajzave të reja.