Reshjet e dendura të shiut kanë bllokuar 9 fshatra në komunën Kukur në Gramsh, pasi rrugët janë bërë të pakalueshme, si pasojë e rrëshqitjes së dherave. Kreu i komunës Kukur, Luan Kokla, kërkon ndërhyrjen e qarkut për zhbllokimin e rrugëve, pasi komuna nuk disponon mjetet e duhura për të normalizuar situatën. Kryekomunari shton se është pezulluar mësimi në 6 shkolla në fshatrat e komunës Kukur, pasi mjetet e transportit nuk kanë funksionuar për shkak të motit të keq.