Një person i ka dhënë fund jetës në mënyrë tragjike ditën e sotme.
Policia bën me dije se rreth orës 14:00, në lagjen “Sporti” në Gramsh, në banesë shtetasi A.Z., 79 vjeç është vetëvrarë me armë gjahu çifte, të cilën e ka patur me leje.
Nga veprimet e para hetimore në trupin e 79-vjeçarit nuk u konstatuan dëmtime apo shenja dhune.
Nuk dihen ende shkaqet që e kanë shtyrë viktimën të ndërmarrë një akt të tillë për jetën, por dyshohet se i moshuari nuk ka përballuar dot humbjen e të shoqes.
Mësohet se i moshuari jetonte me djalin dhe nusen, dhe para pak kohësh i ishte ndarë nga jeta bashkëshortja.
Shërbimet e policisë ndodhen në vendngjarje dhe po punojnë për sqarimin e plotë të rrethanave të ngjarjes.
a.s/dita