Vdekja tragjike e punëtorëve shqiptarë, Sokol Elmazi 34 vjeç, Oltjon Koka 21 vjeç dhe inxhinieri italian, Xhovani Piana, 69 vjeç, në rrugën Gramsh-Moglicë, ka bërë që policia e Korçës të nisë hetimet ndaj firmës që po kryen punimet. Një ditë pas ngjarjes së rëndë, një grup ekspertësh, por edhe oficerësh të policisë gjyqësore, kanë verifikuar dokumentacionin e firmës ndërtuese “Garden Line” dhe kushtet e sigurisë. Teksa mësohet nga hetimet dhe dëshmitë se erozioni i masivit shkëmbor dhe lartësia janë shkaqet e ngjarjes së cilësuar aksidentale.