Tension dhe përplasje të reja janë regjistruar gjatë ditës së sotme në ishullin Kos jashtë kampit, ku do të ndërtohet vendi për regjistrimin dhe qëndrimin e refugjatëve që vijnë në ishull.
Herët të shtunën në mëngjes, banorët e Pili-t u mblodhën jashtë kampit, ku të premten ka filluar puna për krijimin e kampit (hot spot).
Rreth 100 persona kanë ndezur zjarre dhe sipas mediave greke nuk lejuan të kalojë makinën e grupit që ndihmon në ndërtimin e kampit, duke çuar në përplasje mes banorëve dhe policisë.
Menjëherë pas kësaj, banorët kanë mbyllur me gurë rrugën për në kamp.
Ndërsa kanë ndërhyrë operatorët e pajisjeve ushtarake, të cilët kanë arritur të kalojnë pas konsultimit me banorët.
Episode dhune mes policisë dhe banorëve u regjistruan dhe të premten, ku si pasojë e hedhjes së kimikateve nga forcat e rendit, tre persona u plagosën, ndërsa dy gra humbën ndjenjat.
Ua cfare jane keto qe shkruani Greket jane per Nobelin e Paqes, ju thoni qe qenkan racist dhe ksenofob? Larg qofte!