Një nga rrjetet më të mëdha të trafikut të emigrantëve është goditur në Greqi, pjesë e të cilëve ishin dhe 6 shqiptarë.
Mediat greke raportojnë se rrjeti i trafikantëve pajiste emigrantët me pasaporta të falsifikuara.
Pjesë e rrjetit ishte edhe një grua, e cila është arrestuar që bënte shoqërimin e personave me pasaporta false në aeroportet e Greqisë me destinacion Britaninë e Madhe.
Gjatë operacionit në bashkëpunim me Europolin janë zbuluar dhe 4 laboratorë të falsifikimit të pasaportave.
Sipas policisë ky rrjet funksiononte së paku prej 3 vitesh dhe se të interesuarit pajiseshin me pasaporta false kryesisht franceze, gjermane dhe spanjolle.
Sipas hetimeve dosja penale përfshin të paktën 20 persona, mes tyre dhe gjashtë shtetas shqiptarë.
l.h. / dita