Parlamenti grek ka miratuar te premten ne mbremje paketën e masave të reja shtrënguese, që i kërkohej Greqisë si kusht për marrjen e një kësti të kredisë së akorduar nga partnerët ndërkombëtarë.
Paketa u votua nga 153 deputetët e koalicionit qeveritar, në kohën që dy prej partive të opozitës, ajo komuniste dhe PASOK-u ishin larguar nga salla në shenjë proteste.
Seanca parlamentare ishte e tensionuar. Opozita e akuzoi qeverinë se voton masa të fshehta që do të bien mbi supet e miliona qytetarëve, ndërsa e gjithë procedura u cilësua si antikushtetuese dhe që shkel çdo normë parlamentare.
Duke e marrë fjalën në seancë, ministri i Financave dhe ajo e punës, u përpoqën që të minimizonin efektin e masave të reja.
Paketa e masave përfshin ngrirjen e pensioneve deri në vitin 2022 si dhe kufizimin e të drejtave të punonjësve të sektorit privat.
Ndërsa debati parlamentar kishte kulmuar, protestues hodhën arka me sardele në sheshin e parlamentit. Dhe kjo për arsye se amendamentet për masat e reja shtrënguese ishin përfshirë në një projektligj për peshkimin.
Athina zyrtare shpreson që pas votimit të masave të hapet rruga për marrjen e këstit të kredisë, por edhe për lehtësimin e borxhit publik grek. Vendimet pritet të merren në mesjavë, në takimin e ministrave të financave të eurozonës.
C’fare na duhen keto lloj lajmesh me protesta ne Greqi, ku populli ngrihet dhe proteston per çdo levizje te qeverise.
Kurse tek ne, ne Shqiperi, deri tek me i varferi dhe mjeruari ka hallin, amani ju politikanet mafioz dhe maskarenj te jeni mire dhe behuni bashke.
Lavdi dhe te na rroje dhe me “shprese” aleanca paszgjedhore e 25 qershorit PD + PS = PPSH me nje qeveri “mbare popullore”.
Rrofte e qofte “Rindja” = “Republika e Re”. Rrofte EDI RAMA + LUL BASHA bashke edhe ne jeten e pertejme duke ju bashkuar jetes, idealeve dhe vepres te deshmoreve te 21 Janarit.