Një shqiptar është arrestuar në Greqi për posedim të materialeve pornografike, në të cilat ishin protagonistë fëmijët. Policia greke nuk bën të ditur identitetin e shqiptarit, por thotë se 39-vjeçari është arrestuar nga agjentët e Zyrës kundër Krimit Ekonomik dhe Elektronik, në shtëpinë e tij, në Kapandriti të Atikës. Ai është vënë në pranga pas një kontrolli të befasishëm në banesën e tij, ku i janë gjetur qindra materiale pornografike, në të cilat ishin të përfshirë fëmijët. Shqiptari 39-vjeçar është dërguar sot në Prokurorinë e Athinës.