Autoritet kufitare greke kanë ndryshuar rregullat në pikat me Shqipërinë për të gjithë ata që kërkojnë të qëndrojnë më shumë se 90 ditë në këtë shtet.
Bëhet e ditur se Greqia do të ndjekë rregullat e reja të vendeve të Shengenit.
Kushdo që kërkon të qëndrojë më shumë se 90 ditë, do të duhet të paraqesë kërkesë për leje-qëndrim dhe të paraqitet për të dhënë shenjat e gishtërinjve dhe dokumentuar fotografinë individuale. Autoritetet nuk do ta ndjekin këtë praktikë për ata qytetarë që qëndrojnë më pak se tre muaj në një nga vendet e Shengen-it.
Për të plotësuar dokumentet, qytetarët që paraqiten një herë për të marrë shenjat e gishtërinjve dhe dokumentuar fotografinë e identitetit nuk do të duhet të riparaqiten në një procedurë të përsëritur.
Procedurat e reja pritet të vënë në vështirësi një kategori emigrantësh shqiptarë në punësimin sezonal në Greqine fqinje.