Ministrja e Jashtme e Groenlandës ka thënë se: “ne jemi të hapur për biznes, mirëpo jo për shitje”.
Deklarata e saj vjen pasi, sipas mediave amerikane, presidenti i SHBA, Donald Trump, ka diskutuar me ndihmësit e tij, mundësinë e blerjes së Groenlandës, nga Danimarka.
Sipas Wall Street Journal, Trump “ka shprehur vazhdimisht interes” për blerjen e Groenlandës, një territor autonom, i vlerësuar me interes për burimet e saja të shumta dhe rëndësinë gjeopolitike.
Edhe Danimarka ka reaguar menjëherë ndaj artikullit.
“Ideja se Danimarka është duke shitur 50,000 njerëz në Shtetet e Bashkuara, është plotësisht qesharake”, ka thënë zëdhënësi për Punë të Jashtme i Partisë së Popullit Danez, Soren Espersen.
Groenlanda është duke fituar vëmendje nga fuqitë e mëdha globale, përfshirë Kinën, Rusinë dhe SHBA, për shkak të lokacionit strategjik dhe burimeve minerale.
Në fskt, Shtetet e Bashkuara kanë një bazë masive ushtarake në Groenlandë.
Në vitin 1946, Shtetet e Bashkuara ofruan të blinin ishullin gjigant nga Danimarka për 100 milion dollarë, por marrëveshja u refuzua, raporton Dita duke iu referuar mediave nderkombetare.
e.ll./dita