Dhjetë persona u arrestuan mbrëmjen e të hënës nga policia e Tiranës, ku mes të cilëve janë edhe dy policë.
Kanë qenë hetimet e prokurorisë së Krimeve të Rënda që çuan në finalizimin e operacionit.
Burime jozyrtare bëjnë të ditur se janë arrestuar Arian Uku dhe Entela Çala, inspektor në Seksionin e trafikut interurban në Komisariatin e Policisë Rrugore Tiranë dhe specialistë në Seksionin e Trafiqeve të Paligjshme në Tiranë.
Krimet e Rënda kanë nxjerrë urdhër ndalimi ndaj tyre me akuzën e falsifikimit të letërnjoftimeve, pasaportave dhe formularëve, si dhe grup i strukturuar kriminal.
Një ditë më parë u bë e ditur se u zbuluan dhe dy laboratorë ku realizohej falsifikimi i dokumenteve.
Priten detaje të tjera nga operacioni.
a.s/dita