Një përplasje me grushta ka ndodhur në ambientet e brendshme të Bashkisë së Dibrës.
Shkak mësohet se është bërë drejtori i Burimeve Njerëzore në bashki, Dritan Mata.
Sherri ka nisur, pasi punonjësit kanë kundërshtuar drejtorin e ri të Burimeve Njerëzore me arsyen se është nga Jugu i vendit dhe është vendosur në Dibër për të larguar punonjësit.
Ky i fundit ishte prej 1 muaji i komanduar në këtë drejtori.
Ndërsa sherri ka plasur në një mbledhje të administratës së Bashkisë së Dibrës.
Është dashur ndërhyrja e policisë për të qetësuar situatën.
Përveç personave të përfshirë në sherr, në policia është shoqëruar edhe vetë kryebashkiaku i Dibrës, Muharrem Rama.
Në foto: Kryebashkiaku i Dibrës, Muharrem Rama
a.s/dita