Trajneri i Bayern Munichut, Pep Guardiola, ka thënë se skuadra e tij duhet të shënojë më shumë se një gol për ta siguruar finalen e Lisbonës.
Pep Guardiola është përgatitur maksimalisht për sfidën e dytë gjysmëfinale ndaj Real Madridit në ‘Allianz Arena’.
Trajneri spanjoll i Bayern Munichut është shprehur se skuadra e tij duhet të shënojë më shumë se një gol për ta siguruar finalen e Lisbonës.
“Ne duhet të shënojmë më shumë se një gol për të qenë në Lisbonë. Real Madridi është një skuadër shumë e fortë dhe si gjithmonë ka respektin tim maksimal”, u shpreh Guardiola.
Më tej Guardiola tha se ideja e futbollit të tij është të kenë topin në zotërimi.
“Jam edukuar ta kem topin”, shtoi tutje trajneri spanjoll.
Guardiola u ka bërë thirrje tifozëve bavarez që t’u japin përkrahje maksimale futbollistëve bavarez për sfidën ndaj ‘mbretërve’, në mënyrë që skuadra e tyre ta kaloj disavantazhin e një goli nga ndeshja e parë në Madrid.