Gjatë seancës së sotme parlamentare, deputetja Rudina Hajdari, foli lidhur me integrimin e Shqipërisë në BE.
Hajdari ishte mjaft e ashpër me Qeverinë duke iu drejtuar sidomos kryeministrit Edi Rama, të cilin e kritikon sepse nuk është i pranishëm në Kuvend për të folur lidhur me progres-raportin e prezantuar dje në Komisionin Europian.
Hajdari ndër të tjera ka shigjetuar edhe kreun e opozitës Lulzim Basha, të cilit i thotë se krijon kriza të kota politike, në emër të demokracisë por duke penguar integrimin e Vendit tonë drejtë BE-së.
“Dua të theksoj se Rama mungon përsëri në këtë sallë, duhet të ishte për të thënë diçka lidhur me raportin e KE.
Sot kemi vetëm një njeri që u thotë të tjerëve se është më i miri i të mirëve, se vetëm ky po ndërton një vend europian, por është i vetmi që dikton çdo ligj, që bën ligje në emrin tonë, që sillet nëpër Evropë , me ca Reforma të dështuara, ndërkohë që bën tangon e Serbisë.
Qeveria e tij është në procese regresi dhe jo progresi. Historia e krizës në emër të demokracisë në fakt dëmton vendin pasi ata nuk e duan integrimin e vendit.
Ata që prodhojnë krizë nuk bëjnë asnjë punë por janë gati të bëjnë letra dashurie.” tha ndër të tjera Rudina Hajdari.
j.l./ dita
Ne emer te kujt partie flet kjo fycke?
Mbarësi që një deputet nuk flet në emër të prostitutave të politikës shqipëtare PD, LSI dhe PS!