Hakerat islamikë kanë sulmuar dhe marrë nën kontroll një faqe në “Facebook” dedikuar Papa Françeskut. Faqja me mbi 1.3 milionë ndjekës në rrjetin social është në fakt një funpage (faqe e krijuar dhe menaxhuar nga admiruesit e tij).
Para hakërimit në këtë faqe “Facebook”-u mund të lexoheshin mesazhe të Papës, madje edhe dje ishte azhurnuar një vizitë e Papës në Molise.
Por prej paradites së sotme lexohen fyerje dhe blasfemi në gjuhën arabe dhe një seri fotosh e videosh që lavdërojnë islamin dhe janë kundër Izraelit.
Sulmi i hackerave në këtë faqe “Facebook”-u vjen edhe pas zhvillimeve të fundit në botën arabe ku organizata terroriste ISIS ka shpallur krijimin e një kalifati, shteti islamik.
Faqja e hakuar është mbyllur rreth orës 21:30 nga ana e rrjetit social “Facebook”. / Zeri