Fitimi i dueleve në mesfushë është kyçi i suksesit sipas kapitenit të Kukësit, Rrahman Hallaçi. Ai u ka thënë shokëve të skuadrës se pika më e fortë e Metalurgut është pikërisht ky repart. “Dy lojtarët më të rëndësishëm të Metalurgut ishin dy mesfushorët. Unë do t’u thosha shokëve të ekipit të ishin shumë të kujdesshëm me ta në ndeshjen e kthimit”, – tha Hallaçi gjatë konferencës për shtyp para ndeshjes.