Lewis Hamilton ka triumfuar këtë të diel në Çmimin e Madh të Hungarisë, duke e çuar në 24 pikë diferencën nga Vettel.
Ky i fundit është renditur në vend të dytë, ndonëse zhvilloi një garë mjaft të mirë në pistën hungareze.
Piloti i Ferrarit ka arritur ta parakalojë pilotin tjetër të Mercedesit, Valteri Bottas, vetëm katër xhiro para fundit të garës.
Podiumi u plotësua nga Kimi Raikkonen, piloti tjetër i Ferrarit.
Hamilton kryeson renditjen për pilotë me 213 pikë tashmë, por ‘lufta’ për titullin kampion mbetet ende e hapur, pasi ka ende gara për t’u zhvilluar.
s.a/dita