Kryeministri i Kosovës, Ramush Haradinaj është bërë pjesë e debatit për vdekjen e aktivistit të Vetëvendosjes, Astrit Dehari, që po zhvillohet në Kuvendin e Kosovës.
Ai i është drejtuar deputetëve që vdekja e tij të mos gjykohet nga askush, derisa të flasë drejtësia.
“Duhet një dozë e kujdesit mos me i gjyku pa i gjyku drejtësia. Se nëse nuk është ajo që po e thuani atëherë jemi duke e bërë prapë një krim”, tha Haradinaj në Kuvend.
Ramush Haradinaj ka përmendur në debat e sipër dhe vdekjen e vëllait të tij, duke lënë të kuptohej se dyshimet e tij lidhur me këtë rast nuk mund të qëndrojnë kurrsesi përpara drejtësisë.
“Vëllau im se ka pas rastin me iu bë hetim ndërkombëtar. Unë dyshoj në disa adresa”, u shpreh ai duke theksuar se nxjerrja e konkluzioneve përpara se të flasë drejtësia nuk mund të ndodhë.
s.a/dita