Ministri Transportit, Edmond Haxhinasto ka zhvilluar një takim pune në Shkodër me homologun e tij malazez, Ivan Brajovic. Dy ministrat në fjalën e tyre u shprehën se mes dy vendeve ka një kufi, por ai nuk është një vijë që na ndan, por na bashkon. Ata shprehën dëshirën e bashkëpunimit të mëtejshëm mes dy vendeve.
Në fjalën e tij, ministri Haxhinasto u shpreh se ky takim shërben për të nisur bashkëpunim të ngushtë mes dy vendeve, ndërsa ministri Brajovic u shpreh se vëmendje do i kushtohet mbrojtjes së zonave kufitare nga vërshimet e Liqenit të Shkodrës.