Pas helmimit të 113 qytetarëve në Bulqizë dhe që dyshohet se shkak është bërë uji i pijshëm, Instituti i Shëndetit Publik ka nxjerrë analizat e para të ujit.
Sipas këtij instituti, analizat e ujit të pijshëm kanë rezultuar negative për ngarkesë mikrobiologjike, pra nuk ka ndotje mikrobiale.
ISHP thekson se për të pasur një përgjigje përfundimtare, duhet më parë të dalin edhe rezultatet e tjera të analizave nga mostrat, të cilat janë marrë nga uji i Bulqizës.
Njoftimi i plotë
Përgjigja e analizave të para për ujin në Bulqizë. Në laboratorin e Institutit të Shëndetit Publik ka dalë rezultati i një prej analizave mikrobiologjike të ujit të pijshëm marrë në rrjetin ujësjellës, që dyshohet të ketë shkaktuar disa simptoma në banorët e ‘Lagjes së Vjetër’ në Bulqizë.
Përgjigja e mostrës së sjellë nga Shërbimi i Sëmundjeve Infektive, Njësina Vendore e Kujdesit Shëndetësor Bulqizë, në laboratorin e ISHP, ka dalë negative për ngarkesë mikrobiologjike, pra nuk ka ndotje mikrobiale. Për një përgjigje më të plotë për shkaktarin e simptomave tek qytetarët e Bulqizës duhet të presim rezultatet e tjera të analizave nga mostrat e marra nga grupi i ISHP në Bulqizë.
Nga ana e specialistëve të ISHP në zonën ku janë paraqitur më shumë raste, janë marrë mostra uji në rrjetin ujësjellës, këto mostra janë në proces analizimi për parametrat mikrobiologjik, fiziko-kimike dhe toksikologjike (metalet e rënda dhe pesticidet), këto analiza pritet të dalin në ditët në vijim.
b.b/dita
Nuk paska ngel nje burre ne bulqize te beje nje analize te pamvarur atij uji jashte shtetit me 100€
Mos u besoni propagandes se qeverise sepse derri nji turi ka
Kur jane para pergjegjsise sillen njelloj, ashtu si pd per 21 janarin qe filluan te shpiknin cadra pistoleta stilolapsa pistoleta e kshu me radhe edhe kta ate shkolle kane