Rri mendon Sali Berisha
Mbi një gur atje mbi vorre
Korbi thotë, e u zezoftë
– Edhe hëna t’ka dalë dore
Ka dalë Hëna lart mbi mal
E mullareve u vjen anës
paska marr ngjyrë trëndafili
Si flamur’i Edi Ramës
– Po çfarë ke mori rruspi
Që më fshihesh nëpër pisha
A po të duket ai ma i ri
Se sa unë Sali Berisha?
Unë jam Sala që ha ngjala
Shkoj me not der’ në Stamboll
Prandaj hiq’ atë fustan
Vishu blu moj mendjehollë.
– Ti je plak – po i thotë Hana
S’ke fuqi për me m’pushtu
Ti je pipëz me ujë shterrun
E ai, plot ujë në kru
Palca jote është si shtogu
Ti nuk je veç një kallam
Ti nuk di as me ta lyp
Ti je bub që ban ham-ham.
Ti për mua je kurrkushi
Me ministra si de-dem
Me një Lul si hallv’ sulltanësh
Si Zymbyli në harem
Unë du djalë për hijeshi
Jo një plak që bën gam-gam
Si thëngjill mbulu në hi
S’rri njeriu pa i ba dam.
Prandaj ik mos m’eja rrotull
Të nxin shpirti si katran
Shih sa e bukur qenkam sonte
S’e fus plakun nën fustan…
Nga KOL SHKODRANI