Është hedhur në Nion të Zvicrës shorti i ndeshjeve çerekfinale UEFA Champions League.
Në këtë short janë 4 skuadra angleze, ku më me fat ka rezultuar ekipi i “Liverpoolit”, i cili do të ketë një përballje të lehtë në letër me ekipin e “Portos”.
E njëjta gjë nuk mund të thuhet për ekipin e “Manchester Unitet”, i cili në fazën çerekfinale do të ketë përballë ekipin e “Barcelonës”, që po kalon një formë shumë të mirë për momentin.
Interesant do të jetë dhe derbi anglez mes “Totenhemit” dhe “Manchester City”.
Me fat mund të cilësohen edhe torinezët e “Juventusit”, që do të përballen me ekipin e “Ajaxit” të Amsterdamit, i cili eliminoi skuadrën e “Realit” me një rezultat bindës 1-4 në “Santiago Bernabeu”.
Ndërsa takimi i parë i gjysmëfinaleve do të jetë mes skuadrës fituese të çiftit “Barcelona” – “Manchester United” dhe fituesit të çiftit “Liverpool” – “Porto”.
Gjysmëfinalja e dytë do jetë mes fituesit të çiftit “Tottenham” – “Manchester City” dhe “Ajax” – “Juventus”.
Ndeshjet e para të çerekfinaleve do të luhen në datat 9/10 prill, ndërsa ndeshjet e kthimit në datat 16/17 prill.
Ndërkohë ndeshjet e para të gjysmëfinaleve do të luhen në datat 30 prill/1 maj, ndërsa ato të kthimit më 7 dhe 8 maj.
“Barcelona” vs “Manchester United”
“Liverpool” vs “Porto”
“Totenhem” vs “Manchester City”
“Ajax” vs “Juventus”
v.l/Dita