Në mbledhjen e sotme të Komisionit Qendror të Zgjedhjeve është hedhur shorti për renditjen e kandidatëve në garë për zgjedhjet për kreun e ri të bashkisë Kavajë.
Ky proces do të zhvillohet më 25 qershor, në të njëjtën ditë me zgjedhjet parlamentare.
Për kreun e Bashkisë Kavajë garojnë Dorian Murati, nën logo e PS; Maksim Kona për LSI; dhe Isa Sakja është kandidati i Partisë Demokratike.
Me hedhjen e shortit, renditja në fletën e votimit do të jetë:
Dorian Murati, PS
Maksim Kona, LSI
Isa Sakja, PD
Zgjedhjet për kreun e Bashkisë Kavajë do të zhvilloheshin më 7 majit, por kjo u pamundësua për shkak të bojkotit dhe protestës së opozitës.
Me marrëveshjen e arritur Rama-Basha për zgjidhjen e krizës politike dhe futjen e opozitës në zgjedhje, mori zgjidhje edhe çështja e Kavajës.