Hillari Klinton del nga spitali. Lajmi është konfirmuar nga zëvendësi i sekretares amerikane të Shtetit, Filip Reins, i cili përmes një deklarate për mediat tha se zonja Klinton ka lënë spitalin mbrëmë dhe shëndeti i saj po përmirësohet.
“Sekretarja Hilari Klinton doli nga spitali natën e mbrëmshme. Ekipi mjekësor tha se shëndeti i saj po përmirësohet në të gjitha drejtimet dhe se ata besojnë se ajo do të shërohet plotësisht. Ajo mezi pret që të rikthehet në zyrë dhe ne do t’ju mbajmë të informuar mbi axhendën e saj, sapo të saktësohet në ditët në vijim. Sekretarja dhe familja e saj donin të shprehnin mirënjohjen e tyre për përkujdesjen e jashtëzakonshme që ajo mori nga doktorët, infermieret dhe stafi i spitalit presbiterian i Qendrës Mjekësore të Universitetit të Kolumbias në Nju Jork”, bën të ditur zëvendësi i zonjës Klinton.