Rreth 6,000 anëtarë të ushtrisë amerikane vetëidentifikohen si myslimanë, sipas Pentagonit. E komandanti i përgjithshëm i tyre i ardhshëm mund të jetë një njeri i cili ka bërë thirrje për ndalimin e të gjithë njerëzve të besimit të tij të hyjnë në SHBA.
Këtu, sipas fjalëve të tij, është historia se si një emigrant – i cili është mysliman – u bashkua me Ushtrinë amerikane, luftoi jashtë shtetit, u bë një qytetar, ka fituar një yll bronzi, dhe tani është i shqetësuar për mundësinë e rritjes së fëmijëve të tij në një vend ku Donald Trump është president, përcjell Telegrafi.
Hanif Sangi dhe gruaja e tij Kanwal jetojnë në Elliott City, Maryland, me tre fëmijët e tyre. Sangi punon për qeverinë federale si inxhinier.
Ky është rrëfimi i tij:
Unë kam ardhur në Shtetet e Bashkuara në vitin 1999 nga Pakistani dhe mendimi im i parë ishte: “Si mund të shërbejë në këtë vend të madh?” Në vitin 2000, sikurse edhe shumë emigrantë në këtë vend që e kishin bërë, edhe unë u bashkova me ushtrinë e Shteteve të Bashkuara. Shërbeva në Divizionin e Parë të Kalorësisë së ushtrisë amerikane dhe në Forcat elitare speciale të ushtrisë.
Kam qenë i zellshëm për të nderuar vlerat e flamurit dhe vlerat amerikane, për të ruajtur mënyrën tonë të jetës dhe liritë tona kushtetuese. Armiqtë e Amerikës ishin armiqtë e mi, dhe ende janë.
Xhihadi im (lufta) ishte për të mbrojtur besimin tim dhe qytetarët e këtij kombi të madh.
Unë jam personalisht i ofenduar nga ata që të bëjnë të pamundurën për të çuar përpara agjendën e tyre personale apo politike duke keqinterpretuar fenë time.
Emri im është Hanif Sangi, dhe unë jam një amerikan, një emigrant, një mysliman, një veteran i ushtrisë amerikane, i cili ka shërbyer në luftime, dhe një marrës i Yllit të Bronztë për heroizëm – vendimi më i mirë i marrë ndonjëherë.