Një vajzë 10-vjeçare nga Korça ka bërë një denoncim të rrallë në polici.
Ajo ka thënë se dhunohet vazhdimisht psikologjikisht nga e ëma dhe për këtë arsye ka kërkuar mbrojtje nga policia.
Vajza i përket komunitetit rom dhe kërkonte të shkonte në shkollë.
Por, e ëma nuk e lejonte dhe ushtronte dhunë psikologjikë ndaj saj.
Tashmë vajza është marrë nën mbrojtjen e policisë.
“Dje (të dielën) është plotësuar kërkesë-padia për lëshimin e urdhrit të mbrojtjes së menjëhershme për shtetasen e mitur, e cila u mor në mbrojtje nga policia, pasi nëna e saj me inicialet Sh.T., 39 vjeçe, në mënyrë të vazhdueshme ka ushtruar dhunë psikologjike ndaj saj”, bën me dije policia.