Qeveria e Maqedonisë ka marrë një vendim për hapjen e një universiteti të dytë shqiptar me seli në Shkup. I pari ndodhet në Tetovë. Universiteti i ri do të mbajë emrin e “Nënë Terezës”.
Për herë të parë, në historinë e Maqedonisë, shqiptarët fitojnë universitetin e dytë në gjuhën e tyre amtare.
Universiteti i ri shtetëror shqiptar në Shkup do të ketë pesë fakultete me 14 programe studimore.
Ndërkohë, qeveria ka miratuar edhe një sërë vendimesh për zhvillimin e arsimit në gjuhën shqipe.
Mediat vendase njoftojnë se janë ndarë mjete edhe për ndërtimin e Konviktit studentor në Tetovë ndërsa për vitin 2016, është rritur buxheti për USHT-në, duke u bërë institucioni i dytë i lartë arsimor për nga mjetet që merr nga buxheti shtetëror, pas atij të Shkupit.
Gjithashtu, qeveria ka miratuar vendimin për themelimin e dy fakulteteve në kuadër të Universitetit Shtetëror të Tetovës, Fakultetin e Bujqësisë dhe atë të Pedagogjisë me plotësim dhe ndryshim të ligjit për USHT-në. /Dita/
Një lajm shumë i mirë për gjithë shqiptarët.Dhe jo vetëm, por edhe për maqedonasit.
Edhe nje tjeter kioske diplomash me allbanezet!