Dashi
Duket se Mërkuri në shenjë është në një pozicion shumë dominues në shenjë, prandaj dita e sotme pritet të jetë intensive, por edhe pozitive në planin profesional për ju. Hëna stimulon ndjenjat.
Demi
Edhe për të lindurit e kësaj shenje sot pritet një ditë e mirë, pasi janë një seri yjesh në shenjë që mbështesin aktivitetin e tyre. Marsi ‘i turbullt” do të bëjë që shpesh të jeni në dilemë për një zgjedhje.
Binjakët
Marsi aktiv, por edhe Mërkuri që është ylli juaj, bëjnë që sot të jeni të dhënë kryesisht pas punës dhe gjithçkaje tjetër që lidhet me të. Hëna dhe Afërdita në kontrast sjellin tensione.
Gaforrja
Megjithëse pozicioni i Marsit në shejën tuaj nuk është edhe aq dominues, ndikimi i tij do të jetë i tillë që në shumë gjëra do të jeni ju dominuesit e situatës. Mjaft intensive raportet me partnerin.
Luani
Edhe pse ndiheni të stresuar e deri diku edhe të lodhur, nuk do të keni aspak kohë të pushoni, pasi ju presin punë të tjera nga të cilat prisni shumë. Marsi dhe Afërdita sjellin pak pështjellim.
Virgjëresha
Marsi dhe Afërdita sot janë pikërisht në një pozicion shumë të përshtatshëm për ju, prandaj nuk keni pse të prisni, por veproni. Pak problematike raportet ndërpersonale.
Peshorja
Kalimi i Mërkurit në një orbitë, edhe pse të favorshme për ju, duket se do t’ju zërë disi në befasi dhe mund të bëjë që të ndryshoni planet tuaja për ditën e sotme. Raporte të ngrira me dikë?
Akrepi
Është një moment pozitiv për ju tani që në shenjën tuaj dominon Mërkuri, prandaj duhet të përfitoni sa më shumë nga prania e tij. Pasioni dhe dashuria janë nën guidën e Afërditës.
Shigjetari
“Përplasja” e Afërditës dhe Marsit në shenjë do të ndërlikojë disi edhe raportet truaja me të tjerët, por asnjë shqetësim, sepse për ju nuk do të ketë asnjë përplasje. Ndonjë problem me shëndetin është kalimtar.
Bricjapi
Edhe për ju sot është Mërkuri ylli dominues në shenjë, i cili do të ketë edhe Marsin aleat, prandaj edhe ritmet tuaja sot do të jenë shumë më të larta. Një lajm mund t’jua ndryshojë humorin.
Ujori
Duhet të keni kujdes sepse pritet të jetë një ditë disi e koklavitur, pasi dyshja Mars-Uran ka një ndikim negativ në planin profesional. Megjithatë me Hënën në shenjë mund të rifitoni një dashuri.
Peshqit
Kuadri yjor sot për ju duket se është shumë i favorshëm, me treshen Mërkur-Afërditë dhe Saturn në një harmoni thuajse perfekte. Mundohuni të mos hyni në diskutime që s’ju interesojnë.