Dashi
Sot përsëri qielli juaj do të jetë sërish i dominuar nga yje të mirë, prandaj edhe pritet një tjetër ditë mjaft pozitive dhe në disa aspekte shumë interesante. Hëna e Afërdita stimulojnë erosin.
Demi
Kuadri yjor sot është disi i paqartë, çka do të thotë se të turbullt e konfuzë pritet të jeni edhe ju në shumë aspekte. Edhe në planin sentimental gjërat nuk shkojnë dhe aq mirë.
Binjakët
Për të lindurit e kësaj shenje duket se dita e sotme do të jetë përgjithësisht pozitive, prandaj duhet të përfitojnë për të sistemuar gjërat që kanë ngelur disi pas dore.
Gaforrja
Do të jetë Mërkuri në shenjë ai që jo vetëm do t’ju kthjellojë idetë, por nga ana tjetër do t’ju ripërtërijë forcat edhe energjitë. Nuk duhet t’i merrni lehtë gjërat që për ju kanë shumë rëndësi.
Luani
Situata yjore duket se është e mirë megjithë Marsin në një orbitë që nuk është aspak favorizuese. Duhet të jeni më të hapur ndaj partnerit dhe më “hermetikë” ndaj rivalëve në punë.
Virgjëresha
Edhe sot do të vazhdoni të jeni nën ndikimin e peshës së rëndë të Uranit, që duket se do të sjellë energji të reja, por edhe konfuzion. Një Hënë e mirë bën që të keni gjykim të shëndoshë.
Peshorja
Për ju prania në shenjë e Marsit, megjithëse me një ndikim jo shumë të fuqishëm bën që t’ju shtohet vendosmëria për të arritur një objektiv dhe të keni një shpirt luftarak për të përballuar vështirësitë.
Akrepi
Tani që ndikimi i Marsit nuk është më ai i zakonshmi duket se ritmet frenetike me të cilat jeni mësuar do të vijnë duke u zbehur, që do të thotë se do të keni mundësi të merrni frymë lirisht.
Shigjetari
Kuadri yjor sot është me shumë planete pozitive prandaj parashikohet një ditë mjaft e mirë në shumë drejtime. Duhet të bëni më shumë për të stabilizuar raportet me partnerin.
Bricjapi
Të lindurit e kësaj shenje do të jenë të udhëhequr nga një Afërditë shumë aktive e shumë pozitive, e cila iu bën të jeni shumë tërheqës, shumë të ndjeshëm e nganjëherë edhe melankolikë.
Ujori
Një kuadër yjor jo shumë i ngarkuar nuk tregon se do të jeni të shpenguar e indiferentë ndaj gjithçkaje që duket se nuk ju përket. Duhet të merreni më shumë me partnerin tuaj.
Peshqit
Ndjeheni të ndrydhur dhe pa shumë iniciativë e kjo duket se reflekton ndikimin negativ të një Marsi në një orbitë aspak të përshtatshme. Sidoqoftë, me pak durim mund të dilni nga kjo gjendje.