Versioni dixhital i Ëhitney Huston, ose i quajtur ndryshe “Hologrami” i këngëtares, do të debutojë në një tur botëror në vitin 2016.
Kjo deklaratë ka ardhur nga Pat Hutson, presidenti i programit ”Whitney Huston” në bashkëpunim me ”Hologram USA”.
“Isha zemërthyer kur Whitney vdiq në vitin 2012, – tha një prej përfaqësuesve të’ ‘Hologram USA’. – Mundësia për të ndarë edhe njëherë performancat e saj me botën, është pikërisht ajo që unë kam shpresuar të bëja kur kam ndërtuar biznesin e hologramit. Jam i bindur që do krijojmë një version të mrekullueshëm të figurës artistike të Whitneyt”.
E gjithë familja Houston po mbështet këtë rimishërim dixhital të këngëtares. E motra dhe administratori i pasurisë së saj, thanë se kjo është një mundësi e madhe që fansat të shohin edhe njëherë në skenë yllin botëror të muzikës.
Performanca do të shfaqet edhe në internet për t’i dhënë mundësinë fansave të jenë të pranishëm virtualisht, ku do të përfshihen disa nga këngët më të famshme të këngëtares.
Ky rimishërim i artistes, edhe pse i vështirë për t’u imgjinuar do jetë një nga shfaqjet që do mbesë thellë në kujtesën botërore.