Një 55-vjeçar është vrarë me armë zjarri paraditen e sotme në rrethin e Mirditës.
Ngjarja e rëndë ka ndodhur në fshatin Prosek, në Mirditë, pak minuta pas mesditës. Një 55-vjeçar është qëlluar për vdekje me armë zjarri, ndërsa policia ka identifikuar edhe autorin e vrasjes.
Sipas policisë, viktima është Pjetër Lleshi, ndërsa është shpallur në kërkim 75-vjeçari Llesh Lleshi, i cili dyshohet si autori i krimit.
Dyshohet se konflikti mes dy bashkëfshatarëve ka nisur për motive pronësie. Policia po punon për zbardhjen e plotë të krimit dhe arrestimin e autorit.