Një shqiptar nga Kosova është arrestuar nga policia kufitare në Morinë, pasi ka tentuar të trafikojë armë zjarri nga Kosova në drejtim të Shqipërisë.
Shtetasi kosovar i arrestuar në flagrancë është Hamdi Mavriqi, 44 vjeç, banues në Prishtinë të Kosovës.
Policia ka sekuestruar 3 armë zjarri pistoletë tip “Glock” si dhe 25 fishekë luftarakë.
Armët e zjarrit, municioni luftarak dhe automjeti u sekuestruan në cilësinë e provës materiale.
Materialet në ngarkim të shtetasit Hamdi Mavriqi i kaluan Prokurorisë së Rrethit Gjyqësor Kukës, për veprën penale “Trafikimi i armëve dhe municionit”.
Ndërkohë, vijon puna për identifikimin e autorëve të tjerë të përfshirë.
s.a/dita