Një i ri rrahu sot në Korçë një 24-vjeçare së bashku me gjyshen e saj duke u hyrë me dhunë në banesë.
Pas arrestimit të të riut, i cili është identifikuar si Ergest Palloj, ka ardhur edhe dëshmia e tij në Polici për ngjarjen e rëndë. Ai ka thënë në Polici se me vajzën 24vjeçare M.N. kishte patur një lidhje dashurie, edhe pse kjo e fundit ishte e martuar dhe me fëmijë, raporton Panorama.
I riu ka treguar se M.N. i kishte kërkuar që ta ndërprisnin lidhjen e dashurisë, ndërkohë që vetë Ergest Palloj ka refuzuar një gjë të tillë.
I ndeshur me kundërshtitë e vajzës për të mos e takuar, 24-vjeçari shkoi në banesën e ishtë dashurës së tij dhe e rrahu bashkë me gjyshen e saj 84vjeçare, V.Z. Gjithashtu, mësohet se bashkëshorti i 24vjeçares nuk ndodhej në shtëpi, pasi prej kohësh punon në Greqi.