Manchester United shfaqet më serioz se kurrë në interesimin për Arturo Vidal dhe ka një ofertë konkrete, vërtet tunduese. Bëhet fjalë për një propozim në kuotën e 30-32 milionë Eurove, që zyrtarisht i është paraqitur Juventusit nga ish trajneri legjendar i “Djajve të Kuq”, Sir Alex Ferguson. Skocezi ishte i ftuar nderi nga drejtuesit e Zonjës së Vjetër në Juventus Stadium për të ndjekur finalen e Europa League përkrah trajnerit Antonio Conte. Të dy janë parë në disa çaste duke biseduar kokë më kokë dhe ka qënë pikërisht ky momenti kur Ferguson ka kërkuar hapjen e dritës jeshile nga ana e Juventusit për shërbimet e futbollistit 26-vjeçar. Por cila mund të jetë përgjigja e bardhezinjve? Vidal konsiderohet një ndër themelet e projektit të Juventusit të së ardhmes dhe humbja e tij do të thotë që Pogba të mbahet i shtrënguar fort. Mesfushori kilian ka një shifër precize në merkato, kushton të paktën 40 milionë euro dhe kjo shumë e fiksuar nga Juventusi mund të jetë e arsyeshme për disa nga klubet më të mëdha të kontinentit. Sidoqoftë, për Vidal, oferta e United ndodhet mbi tryezë. Palët do të kërkojnë të nxitojnë për t’i dhënë drejtim këtij operacioni, me tratativa që nuk parashikohen të thjeshta