Një 22-vjeçar është arrestuar nga policia e Korçës për shkatërrim të pronës me zjarr dhe vjedhje ditën e djeshme. Ervis Abeshi 22 vjeç, banues në fshatin Orman, Korçë, i ka vënë zjarrin kuzhinës së 73-vjeçarit V.M., të cilit i ka vjedhur edhe armën e gjahut.
Sipas policisë, autori është nipi i të dëmtuarit, kuzhina e të cilit u shkrumbua tërësisht. Konflikti mes tyre ka nisur për motive pronësie.