Personi që ka vjedhur statujën Oscar të aktores Frances McDormand është arrestuar nga departamenti i policisë së Los Angelos-it.
Zëdhënësja e shtypit të departamentit konfirmoi për mediat amerikane se forcat e policisë kanë bërë të mundur arrestimin e një të dyshuari, të quajtur Terry Bryant, 47 vjeç.
Aktorja Frances McDormand rimori sërish trofeun e saj të dielën në darkë.
Trofeu u vodh nga 47-vjeçari gjatë darkës ku McDormand po festonte çmimin e saj të dytë Oscar si aktorja më e mirë, për rolin në filmin “Three Billboards Outside Ebbing, Missouri”. Përgjatë arratisjes ai u has me një fotograf, i cili arriti ta fotografonte.
s.a/dita