Nuk mund t’i rezistonte një selfie me ujërat e Valbonës pas shpine. Ndonëse kapelja dhe syzet ia kanë mbuluar një pjesë të mirë të fytyrës, fotoja nuk ka shkuar kot. Buzëqeshja nuk lë asnjë dyshim: është Ilva Tare, që tashmë duket se po zbulon dhe dashurinë për natyrën. Prej disa javësh e kemi parë të angazhuar me një cikël emisionesh për turizmin. Nga studioja, ajo ka zbritur në terren, më saktë natyrë, mes fushave të gjelbëruara dhe hijeve të pemëve duke sjellë më pranë të gjithëve bukuritë e vendit, vlerat e rralla të zonave të caktuara, shpesh edhe të harruara, problematikat e tyre, por edhe një freski televizive në këto ditë të nxehta vere.