Imago…

Të gjithë çiftet debatojnë. Disa debatojnë për fëmijët, disa për paratë, seksin, dhe në një marrëdhënie kjo është diçka normale. Por nëse ndodh shpesh, mund të sjellë ndarjen tuaj.

A ka një mënyrë që mund të na ndihmojë të minimizojmë zënkat e shpeshta në çift?

Së fundmi është zbuluar terapia “Imago”, e ideuar për t’u mësuar çifteve si të shprehen tek njëri tjetri, pa qënë nevoja për t’u përfshirë në një konflikt.

Si shumica e terapive në çift, qëllimi i saj është t’ju lidhë sa më shumë me partnerin, por ndryshimi i terapisë “Imago” janë tre pikat kryesore : pasqyrimi, vlefshmëria, dhe ndjeshmëria.

Si funskionon?

Faza e parë: Pasqyrimi

Në këtë fazë, njëri partner duhet të veprojë si “dërgues i mesazhit” dhe tjetri në rolin e “marrësit”. Dërguesi inkurajohet të flasë për planet në të ardhmen në çfarë çështje të dëshirojë ai, e ndërsa partneri tjetër duhet të dëgjojë dhe ta përsërisë, për të parë nesë e ka kuptuar drejtë atë që ai ka thënë.

Në thelb qëllimi i kësaj bisede është që çifti të mësojë të dëgjojë njëri- tjetrin pa u zemëruar ose mërzitur. Ajo ka të bëjë me shprehjen e mendimit ashtu siç e ndjen në një hapësirë neutral dhe të kuptueshme, siç supozohet të jetë partneri.

Faza e dytë: Vlefshmëria

Kjo fazë është e vlefshme për të kuptuar botën e partnerit tuaj, planet e tij, pavarësisht nëse jeni dakord me atë që ai po thotë. Këtu është radha juaj për ta shprehur nëse e konsideroni të vlefshme mendimin e tij për një plan në të ardhmen ose jo.

Faza e tretë: Ndjeshmëria

Qëllimi përfundimtar, ndjeshmëria, ka të bëjë me futjen në botën e partnerit tuaj dhe duke menduar aspektet e jetës suaj që mund të kontribuojnë në realizimin e planeve të tij në të ardhmen, plane që do të përmirësonin marrëdhënien tuaj.

Në këtë terapi duhet të ndërroni herë pas here rolet!

e.t./dita